La vilòta

Era pas possible que dins aqueste blòg i aguesse pas un article sus la mai polida vila del mond...pensi plan segur a SANT AFFRICA !!! Donc per vòstre mai bèl plaser vos invita a descubrir la mia vila.

Sant Affrica es situada dins sud Avairon, sul riu que se sona La Sòrga. Sèm pas mens de 8 022 a viure sus nòstra polida comuna qu'es 10 còps mai bèla que las comunas mejanas de França ; sa superficia es superiora a la de Paris intra muròs !
Lo Sant Affrican mòstra de paisatges, una flòra, una fauna e un patrimòni fòrça diversificat en bordura del Parc Natural Regional dels Grands Causses.
La region a una granda istòria, amb fòrça vestigis coma de castèls o encara de dolmens (Avairon es lo despartament ont i a lo mai de dolmens en França).
L'economia de la vila es principalament basada sus l'agricultura, l'industria agrò-alimentari amb la proximitat de Roquefòrt e sul torisme.

Sant Affrica es tanben una vila fòrça esportiva e culturala amb per exemple un festival de blues en estiu o lo Challenge Vaquerin qu'es un eveniment de rugby d'envergura internationala.

Parlar d'una vila es quicòm mas lo melhor es de venir la descubrir, e vos asseguri que serètz pas mecontents !!

Bisas

OSS 117

Totjorn dins la dralha dels articles sus los films que sortisson aquesta annada, vos vau parlar uèi d'un film francès que se sona "OSS 117: Rio ne répond plus". Es la seguida del film sortit en 2006 "OSS 117: Le Caire nid d'espions". Aquesta sagá nos conta l'istòria d'Hubert Bonisseur de la Bath alias OSS 117 (incarnat pel magnific Jean Dujardin)qu'es un agent secret pas coma los autres...

Dins aquel film, sèm en 1967, 12 ans aprèp las aventuras al Caire. Lançat sus las traças d'un micròfilm que compromes França, OSS 117 dèu far equipa amb una polida membre del Mòssad per capturar un ancian nazi. Dins un pais ont va veire Brasilia, Copa Cabana o encara los dangièrs de l'Amazonia, lo famó agent francès va s'embarcar dins d'aventuras rocambolescas e comicas !

Lo film es un plaser total, es un viatge entre comedia populara, umor trenta sisèn degrès e referencias istoricas precisas. Lo comic de situacion se mescla amb una escritura mestresada e que tòca just. L'actor Jean Dujardin es impecable dins aquel ròtle e a sauput amenar sa tòca personala al personatge creat pel escrivan Jean Bruce.

Plus d'infos sur ce film

Oxmo Puccino

Uèi vos vau parlar d'un artist rap que se sona Oxmo Puccino. Aquel artist es un pauc un "ovni" dins lo mitan del hip hop francès de par son fòrt ligam amb la cançon francèsa, amb per exemple de colaboracion amb Mathieu Chedid, Olivia Ruiz, Alizée ou encara Florent Pagny. La principala fòrça de Oxmo Puccino es son escritura qu'es una de las mai poeticas en França fondada sus de metafòras singularas.

Après aver sortit en 1998 "Opera Puccino", en 2001 "L'amour est mort", puèi en 2004 "Le cactus de Sibérie", Oxmo Puccino a signat un album sonat "Lipopette Bar" pel legendari label jazz Blue Note amb la colaboracion dels musicians nomats los Jazzbastards. Aquel album qu'es una libra inspiracion de la vida de la cantaira Billie Holiday a permes a l'artist de desvolopar lo costat musical e acostic de son rap.

En mars 2009, Oxmo nos torna amb une novèl opus que se sona "L'arme de paix" qu'es un vertadièr viatge entre hip hop, slam, jazz et cançon francèsa. Per aver agut l'astre de lo vèire en concèrt i a doas semanas, pòdi vos dire qu'es quicòm de fabulós !!

Serà en concèrt al Rockstore lo 13 de mai...

Oxmo Puccino - 365 jours
envoyé par CInq7

Slumdog Millionaire

Uèi vos vau parlar d'un film qu'es tot simplament magnific !! Aquel film se sona "Slumdog Millionaire" e es realisat pel realisator inglès Dany Boyle, autor tanben del classic "Trainspotting". Lo film a remportat pas mens de 8 Oscars en febrièr darrièr, dont los de Melhor Film et Melhor Realisator.

Aquel film es l'istòria de Jamal Malik, 18 ans, qu'es un jove orfanèl dels bidonvils de Mumbai (Bombay en francès) e qu'es sul punt de ganhar 20 millions de roupies a la version indiana del jòc Quin vòl ganhar de millions ? A solament una question de la victòria, la policia l'arèsta sus una suspicion de tricha.
Per justificar sas bonnas responsas, Jamal explica d'ont vèn sas connèissenças e conta sa vida defòra, sas istòrias de familha, totas sas aventuras...

Lo film es al còp una carta postala de l'India (lo passatge al Taj Mahal es savorós), una denuncia de la pauretat, un uèlh sus las confrontacions religiosas et mai que mai una istòria petrida d'umanitat !

Es un film que conselha a tot lo monde !!!

Plus d'infos sur ce film

La Chose

Uèi vos vau presentar encara un grop de Sant Africa, La Chose. La Chose es un grop que mescla lo rap e lo jazz manoche. Es nascut en 2007 sus una idea comuna de Féfé, artiste hip hop del grop Le Sanctuaire, e de Fred, guitarist de Millau.

Lo principi d'aquel grop es simple: mesclar los estiles e los universes per far una musica simpla, d'escèna e que parla a tot lo mond. En 2008, lo grop a integrat Mathieu, qu'es violoniste/guitariste e que marca un pauc mai l'identitat "live" de La Chose.

Lo grop torna de mai en mai e a ja far de primièiras partidas prestigiosas coma Thomas Dutronc, Beat Assailant, Abd Al Malik o encara Shantel !

Per vos balhar une idea d'aquela musica, podètz anar los escotar sus myspace www.myspace.com/lachoseenlive

O agachar aquela videò d'un live pels Naturals Games de Millau

La Chose - En Somme - Natural Games 2008
envoyé par TigroO12

Lo clip del 12ème Comité, "Viens"

Un pichon article per me far encara un pauc de publicitat...
Lo primièr clip de mon grop de rap es sortit, es tirat de la cançon "Viens" qu'es en colaboracion amb Féfé del grop La Chose, un grop que vos presentará lèu.

12ième Comité - VIENS - le clip
envoyé par TigroO12

Caylus

Lo grop que vos presenta uèi es un grop amic, originari coma ièu de Sant Africa e que se sona Caylus.
Caylus es un grop de pòp-ròck que compausa en inglès e que vèn de sortir son primièr Ep 6 titres "Follow the sun". Dins lo grop i a Lina la cantaira, Toash a la bateria (e que compausa tanbèn las melodias), Arnaud a la bassa, Jo al pianò e Jeremia a la guitara. Lo grop es tot novèl, a mens d'un an e es nascut sus la volontat de far de la musica entre amics dins un estile novèl per totes perque los diferents membres venon del jazz, del classic o encara del metal !!!

A l'escota de la lor musica, trapam sul pic de pont amb l'òbra de Radiohead, Cat Power, Kate Bush e tota l'ondada pòp-ròck inglèsa qu'es lor principala influència. Aquel Ep 6 titres es destinat a la promocion per trapar de datas de concèrt dins l'optica de venir intermitent de l'espectacle. La formacion a ja "assajat" sa musica dins la region amb un acuèlh favorable e a tanbèn agut de nombrosas criticas positivas sus de webzine especialisats ( http://www.lesimmortels.com/blog/chroniques-metal-musicale/caylus-follow-the-sun-2008-ep-autoproduit/).

En mai de far de la bona musica, Caylus son de personas umanas plan sus totes los rappòrts :)
Es un conselh que vos balha de descobrir aquel grop que, espèri, anará luènh !!!

Aquí lo clip tornat aqueste estiu sul Larzac, "Cold Wind":

Medine "Arabian Panther"

Lo 24 novembre de 2008 es sortit l'albòm que totes los amators de rap francès esperavan..."Arabian Panther" de Medine.
Medine es une jove activiste hip hop originari del Havre e que a ja sortit 3 albòms en autòproduccion. Aquel d'aquí, que jòga sus los mots amb la referencia als Black Panthers, es son son primièr signats sur una majòr.

La marca de fabrica d'aquel MC es totjorn la meteissa: una pluma trabalhada, un discors politic e revendicatiu e un votz rauca tan particulara. Una de las praticas que capita lo mai es çò que s'apela dins lo hip hop lo "story telling", es a dire contar una istòria a la manièra d'un jornalist, en estant pròche dels personatges. Son tròç "RER D" sus la faussa agression antisemita de 2005 o encara "Kunta Kinté: enfant du destin" que conta la vida d'un enfant soldat marcan l'auditor directament dins lo còr e lo cap.
Criticat per son constat religiós qu'es una constanta dins sos tèxtes, Medine nos respond de la plus polida façon en fasent l'apologia dels drechs de las femnas dins "A l'ombre du mal", en colaboracion amb la cantaire alemanda Nneka.

Per los qu'aiman Medine, "Arabian Panther" es una satisfaccion. Trobaretz aquí una de las mai polidas plumas de la cançon francesa e un engatjament politic just, dins un periòd de crisi en França.

Per vos balhar una idèa d'aquel artiste, aquí lo clip de "Code Barbe", qu'es una vision umoristica mas tanben revendicativa de la barba dels arabs...

MEDiNE / CODE BARBE CLiP HD
envoyé par Movez-Lang92

Lo melhor film d'aquesta debuta d'annada

En aqueste periòde de recompensas dins la cinema (Cesar, Oscar, BAFTA,...), vos vau parlar d'un film, qu'es va segurament venir rapidament un classic...Aqueste film se sona "L'estranha istòria de Benjamin Button".

Es realisat per David Fincher, qu'es tanben l'autor de films coma "Fight Club", "Seven" ou encara "Zodiac". Aquel film es menat per un parel d'actors que presentam pas plus, Brad Pitt e Cate Blanchett, e es tirat d'una novèla de F. Scott Fitzgerald.

Es l'istòria d'un òme qu'es nascut a l'age de 80 ans e que viu sa vida en sens invers sens poder cambiar lo cors del temps. A partir d'aquela situacion, lo realisator va poder desvolopar un fais de situacion e mai que mai quichar sus de tematicas fòrtas coma la vida, la mòrt, la diferencia, los rappòrts umans...
Los actors son formidables e los efièches visuals son d'una virtuositat sens precedent. Aquel film es un dels grand pretendents als Oscars ont a estat nomitat 11 còps !!

Aquel film consacra definitivament David Fincher coma l'un dels realisators mai inventius d'Hollywood e Brad Pitt coma una legenda del Setèn Art...

Plus d'infos sur ce film

Presentacion de mon grop

Soi membre d'un grop de rap que se sona "12ème Comité" e sèm originari de Sant Africa, qu'es una vila del sud Avairon. Lo grop s'es format en 2003, avèm pendent 2 ans animats una emission de radiò mas es vertadièrament en 2006 qu'es devengut quicòm de seriós. Aquela data marca la sortida de nòstre primièr album "Chroniques du Monde" e a partir d'aquí nos sèm fach un nom dins nòstra region e avèm començats de far qualques concerts.
L'an passat, en julhet de 2008, avèm sortits nòstre segond album que se sona "Spleen Au Paradis" e qu'avèm pressats a 500 exemplaris. Aquel projècte nos a dubèrts grand nombre d'oportunitats coma la realisacion d'un clip videò.

Lo 3 de genièr passat, avèm organisats un forum e un concèrt a Sant Africa sus la tematica "Rap, Resistència e Fraternitat". Avèm aguts mai de 600 personas e la venguda de personalitats coma José Bové o d'artistes coma Demi-Portion de Sèta o encara Utopie de Bondy dins lo 93.

A l'ora d'uèi, sèm dintrats dins la fasa d'escritura de nòstra tresen album qu'es previst per septembre 2009.

Per escotar nòstra musica: http://www.myspace.com/12com

Bonna jornada a totes

Bonjorn a totes

Es la debuta de mon blog, qu'es en realitat un trabalh de far en Occitan. Podètz trapar dins aquel blog totas las causas que m'agradan, de musica, de cinema, e plan d'autras causas encara!

Bonna visita a totes e a lèu !!!